غرقت سعاد في الحيرة من امرها وتعقدت الامور وبدت حلمها يتناثر مع دموعها فقد كان الجوال لم يسكت ابدا عن الرنين
فكانت نورة وولاء يتصلون عليها ..فأتصلت ولاء على نورة ..
ولاء: الووو سعاد ردت عليك
نورة : لا ماردت
ولاء: خايفة عليها
نورة : وانا كمان ماتوقعت انها تتغير
ولاء: المفروض الله يهديها ماتسوي بنفسها
نورة: دواها عند ماجدة اكثر وحدة تشجع فينا
ولاء: مو هي الثانية ماردت كمان الله يستر انا شكلي كمان يجيني انهيار بسبب الوظايف
نورة : انا السبت راح اروح اجتمع والله لاشغلكم كلكم في مشروعي وتصير مشروع بأسمنا احنا
ولاء: ماقصرتي وحنا نوقف معاكي
نورة : يارب ياكريم
ولاء: الله يسهل علينا
نورة: بكرة اكلم سعاد واشوف ايش فيها
ولاء: انا راح اكلمها ان شاء الله
نورة : يلا ياستي انا رايحة انام
ولاء: تصبحي على خير
نورة :انتي من اهل الخير باي .
...............
في المدرسة بينما عهد تشرح رن جوالها فكان خالد المتصل فلم ترد عليه ووضعته على السايلنت وكملت الشرح
وبعد انتهاء من الحصة رأت رسالة من جوالها من خالد ( غريبة ... نسيتيني يا عهد يلا بالتوفيق واتمنى ماتنسي خالد مع زحمة التدريس)
وقالت عهد في نفسها : (دوبك تفتكر انه انا موجودة ولا تسأل عني خليك )
فدخلت المديرة على عهد ..
نجلاء : السلام عليكم
عهد: وعليكم السلام ياهلا باأبلة نجلاء ..
نجلاء: ماشاء الله لك شعبية بين البنات .. وحصصك سمعت انها كلها حماس
عهد: الحمدلله فضل من الله الحمدلله
نجلاء: دا جدولك راح تدرسي بنات ثانية ثانوي لان ابلتهم عندها اجازة مريضية فراح تدرسيهم
عهد: طيب يصير ماعندي وقت فاضي الا في الفسحة
نجلاء: والله ذا شغلك يااخت عهد وادعي ربك يفرجها
عهد: اللهم امين يارب
نجلاء: يلا عن اذنك اسيبك مع الطالبات
خرجت المديرة وعهد تفكر يكفي انها تأتي من البيت مجهدة ومتعبة وتذكرت كلام سعاد ولكنها كانت تكابر ..وتقول لا اقدر مو مشكلة
وكانت ماجدة تذاكر لاختها فدخل والدها وقال لها : شوفي يا ماجدة ... شوفي لك اي معهد تدريب انجلش واتصلي وراح اوديكي
تدرسين فيها .. اوكي
ماجدة : ان شاء الله
ابو ماجد : ياويلك لو تفكرين اللحين في وظايف ..
ماجدة : ان شاء الله
اتصلت ولاء على ماجدة في الجوال ..
ولاء: هاي كيفك ياقمر
ماجدة: الحمدلله انتي كيفك
ولاء: ماشي الحال الحمدلله ... تعالي اشبك زعلانة ليه سمعت انك مقهورة ..
ماجدة: زعلة وراحت اللحين ابوي يدخلني معهد ادرس انجلش
ولاء: مرة ممتاز والله كدا راح اتشجع واكلم بابا يدخلني معاكي
ماجدة: يووووه مرة شيء حلو طيب كلمي سعاد تدخل
ولاء: مادريتي امس سعاد عصبت علينا وتخاصمت مع عهد
ماجدة : ياساتر ايش صار
ولاء: جالسين نتكلم في الوظيفة تقول انا اعتزل عن العالم ايش ابغى في الوظايف والبهدلة انتوا تحبوا الشقا بيت اهلي احسن
من الذل والاستغلال من الشركات
ماجدة : وي وي وي وي بجدك دي سعاد
ولاء: والله العظيم ومااكذب كلمي نورة ولاعهد ونورة وانا نحاول نتصل ولا ترد الى يومك ذا
ماجدة : كويس قلتي لي اكلمها
ولاء: كلميها وردي لي خبر
ماجدة : اللحين اتصل
ولاء: يلا اوكي باي وانتظر ترى
ولاء: باي
.....
اتصلت ماجدة على سعاد ..فردت سعاد عليها
ماجدة : كيفك يامس سوسو
سعاد: كويسة
ماجدة : ايش اخبارك
سعاد : ماشي
ماجدة : وي وي اشبك زعلانة
سعاد: يرضيك صحباتي اللي هما صحباتك يتهجموا عليا ويقولوا اشبك انتي صاحية ولا اشربي من موية البحر وصلي على النبي
ليه ان شاء الله محسبيني مجنونة انصحهم نصيحة يقولوا اشربي موية بحر بلله دا اسلوب يعني ايش صار في الدنيا حتى الصديق مافي
في وقت الضيق ..
ماجدة: ستوب ستوب ستوب من باعك ومن قال لك مجنونة استني استني يا سعاد خليني امشي حبة حبة
سعاد : ايش حبة حبة انا ناقصاك
ماجدة : سعاد كلنا نمر بظروف انا مريت اترفضت اكثر من 3 مرات وانتي اول مرة اتوفقتي بس الحمدلله ربي نجاك من مؤسسة
اللي ماتسوى اي شيء يا سعاد مو بالشكل اول وظيفة تتعقدي منها وتطلعي حرتك
سعاد : ماجدة انا استغلوني عشان اسوي ببلاش مو ذا افظع شيء يصير فيني يبوني عبدة ببلاش اشتغل عندهم
ماجدة : ادري بس خرجتي وانقذتي نفسك في بنات على نياتهم والى يكافحوا ومايدرون عن شيء وفي النهاية سلبوا صحتهم
وحيويتهم وحماسهم اشبك انتي يا سعاد ليه العصبية كله خليكي ايزي يا بنت الحلال
سعاد : مجودي لو تدري بعد اللي صار ماراح اقدر اتوظف ثاني لا اهل راح يوافقون ولا امي راح توافق ولا راح اقدر اشتغل
يتمنوا يزوجوني او اشتغل في وظيفة حكومية عرفتي حالتي يعني من فين نلاقي وظيفة حكومية حتى وظيفة معيدة انا عن نفسي
ابغى معيدة بس الواسطات هي اللي راح تمنعنا وتحط الناس اللي ماتستاهل في مناصب وين روحنا احنا وين
ماجدة : الارزاق بيد الله رغم كنت في مقابلة بس صحيح زعلت من نفسي ومن مقابلة بس عندي أمل اننا راح نقدر نحقق
والله معانا
سعاد : آآآآآآآآآآآه الحمد لله يارب حقق امالنا يارب
ماجدة : روحي صلي واستخيري لرب العالمين الله معانا وصدقيني راح نقدر نحقق لاتزعلي
سعاد : مجودي احبك يا احلى صحبة في الدنيا
ماجدة : انا كمان احبك بس بشرط
سعاد : شوووو
ماجدة: تكلمي عهد ونورة و ولاء
سعاد: راح أكلمهم اكيد خليني اتصل ..
ماجدة: شتورة
سعاد:هههههههههه حسستيني اني بزرة
ماجدة: ايه تسمعي كلامي
سعاد: حاضر يا أبلة
ماجدة: يلا اتصلي عليهم انا رايحة اكمل مذاكر اختي جومانة
سعاد: سلمي لي عليها
ماجدة : يوصل يلا باي
سعاد: باي
.........
اتصلت سعاد على عهد تعتذر عما فعلت بعهد .. فردت عهد عليها
عهد: نعم
سعاد: وعليكم السلام
ضحكت عهد : هههههههههههه ضحكتيني ماودي اضحك
سعاد: الله يدوم الضحكة
عهد: خير ايش عندك
سعاد: اسفة اني عصبت عليك بس والله كنت تعبانة وظروفي صعبة وحاسة اني جالسة افور عليكم بدون مااحس
بس والله غلاتكم عندي فوق ماتتصوروا والله يشهد اني احبك واغليك يا عهد
عهد : لاااااااااااا اخيرا عادت سعاد الحقيقية
سعاد : هههههههههههههههههههههههههههههههههه
عهد : والله انتي صحبتي وانا اكيد اسامحك يكفي انه انتي صديقتي
سعاد : اجل بنت خالتك
عهد: الله يرجك ههههههههههههههههههههههههههههههه
سعاد : كيف المدرسة حكيني
عهد: والله سعاد بدأ كلامك يصير صح
سعاد: ليه
عهد : صار ماعندي وقت غير وقت الفسحة اجلس ولا انا بس واقفة طول الوقت
سعاد :ا ووووف طيب ليه
عهد : انا مااعرف المشكلة قلت طيب انا طيبة قلبي ايش اسوي فيها قالت لي واعطتني جدول وقالت راح تدرسي يعني موب شوري
سعاد: يا الله
عهد: بس مااقدر والله احسن من جلسة البيت بس ادعي لي يخف علي الشغل
سعاد: يارب يسهل لك امرك يارب
عهد: آمين يارب
سعاد : اسيبك اروح اقوم اصلي ركعتين واقرأ قرآن
عهد: انا راح انام كمان ..
سعاد: مع السلامة وتصبحي على الف خير
عهد: وانتي من اهل الخير
0 التعليقات:
إرسال تعليق