رواية طموحات في زمن اليأس

في العصر وعند رجوع عهد من مدرسة دخلت عهد وهي تون من الوقفة الطويلة في المدرسة

عهد: اااااي يارجلي والله رجولي تعورني من الوقفة

ام راشد: تستاهلين قال لك اخوكي يكرفونك كرف بس ماتسمعي كلامي

عهد: امي ماني ناقصاك لو سمحتي انا مبسوطة بس العيب اني لبست كعب عالي والمفروض ماالبسه

ام راشد: يلا قومي غيري وريحي شوية لانه ابوكي بيتأخر على الغداء

عهد: ماراح أكل شيء انا اكلت في المدرسة المدرسات مسووين فطور جماعي وبطني منفوخة اللحين ..

ام راشد: على راحتك

عهد: عفاف ماجات من الجامعه

ام راشد: تقول عندها محاضرة بعدين تجي

عهد: خليني اروح انام ..

فرن جوال عهد وكانت ماجدة متصلة ..

عهد: هلا مجودي

ماجدة: هلا والله فيكي يا ابلة عهد .

عهد: خلاص صار اسمي ابلة عهد

ماجدة: ايه خلاص يا ابلة مبرووووووووووووك

عهد: الله يبارك فيكي ياقمر عقبالك تتوظفي

ماجدة : كيف اول يوم في التدريس

عهد : اسكتي ماريحت غير في الفسحة وحصة الخامسة وباقي الايام واقفة

ماجدة: الله يعينك ايش نسوي ماعندنا غير دي الوظيفة

عهد: ايه والله بس المدرسات فلاويات وكلام وسواليف وضحك وتعرفت عليهم

ماجدة : ماشاء الله كويس اهم شيء تنبسطي وكيف البنات ..

عهد: والله البنات اول يوم كان سواليف وثاني يوم صحيح غلبوني شوية بالذات يحبون فلسفة في الكمبيوتر في النهاية يسوون شيء غلط

ماجدة: ههههههههههههههه هم اي مرحلة

عهد: متوسطة وماادراك مالمتوسطة ..

ماجدة: يالله مراهقات الله يعينك

عهد: بس تصدقي اول يوم يحبوني حتى عصبت على وحدة بس تتفلسف بس قالت لي اسفة

ماجدة: الله يعينك عليهم يارب

عهد: آمين وانتي علومك؟

ماجدة: الصباح جاني اتصل من شركة ملابس نسائية بكرة ونشوف ايش يصير ..

عهد: طمنيني اوكي ..

ماجدة: ادعي لي ياقلبووو

عهد: ان شاء الله من عيوني

ماجدة: اسيبك تريحي ..

عهد : تسلمين على اتصالك.

ماجدة : مع السلامة .

عهد: مع السلامة .

................

في الصباح ذهبت ماجدة مع والدها الى الشركة للمقابلة الشخصية ..

ابو ماجد : وين مكتب المدير ..

ماجدة: قالوا لي في دور الثالث رقم 240

ابو ماجد: الله يخارجنا منك ومن الوظايف حقك

فقابل والدها سكرتير المدير ..

السكرتير : اخت ماجدة

ماجدة: ايه نعم

السكرتير: تفضلي

والدها : اقدر ادخل معاها

السكرتير : تفضل

دخل والدها معها عند المدير ... فحياه المدير تفضلوا ..

المدير: عرفيني عن نفسك ..

ماجدة: انا ماجدة عمري 23 ادرس ادارة اعمال تخصص ادارة موارد بشرية وكنت امينة اللجنة الثقافية وامينة اللجنة الاجتماعية

ومسؤولة طالبات قسم ادارة موارد بشرية حصلت على دورات كمبيوتر ودورات في التطوير الذات

المدير: طيب انتي عندك لغة ..

ماجدة: لا للاسف..

المدير: امممممممممم ..

ماجدة: بس انا اقدر اكتسب لغة لو مارستها

المدير : مش قصة ممارسة قصة عندنا موظفين اجانب فكيف راح تتواصلي معاهم على العموم السي في حقك حلو واحنا نشوف

ماجدة ان شاء الله

المدير : حياكم

عند ركوبها من السيارة .. كان والدها غاضب منها

ابو ماجد: الله يفشلك دنيا واخرة

ماجدة: ابوي يعني اخترع على راسي

ابو ماجد : شوفي اصلا لو ماعندك اللغة ماراح يوافقون لك البنك بذي الطريقة

ماجدة: بابا يعني الكل للي دخلوا عندهم انجليزي مارسوا يا ابويا

ابو ماجد: هههههههههههه والله تضحكيني اقولك بلا وظيفة حسني انجليزيتك وادرسيه في البيت ولا اشوفلك معهد

ماجدة: لا شوف لي معهد ..

ابو ماجد: هيا ياويلك تقولين ابي وظيفة ادرسي اول انجليزي الله يفشلك ..مشوار اخر الدنيا وفي النهاية للاسف مااعرف

سكتت ماجدة ولم تتكلم بل كتمت العبرات لانها احست بموقف محرج وتهزيء والدها الذي لم يتوقف طوال الطريق ..

دخلت البيت مسرعة وكانت نقطة ضعف ماجدة الدموع نامت بسرعة لانها لاتريد ان تبكي ..

فحاولت عهد ان تتصل عليها لم تجاوب ...فأتصلت على سعاد ..

سعاد: ياهلا

عهد: هلا فيك

سعاد: كيفك ياابلة وكيف الدراسة

عهد: رجولي اتكسرت .

سعاد: والله يا محلا جلسة البيت لا وظيفة لا تعب لا وجع راس

عهد: الله يهنيك

سعاد: ويهنيكم بعد مع وظايفكم

عهد: سعاد شاربة شيء ..

سعاد: لا والله لازم اخذ موشح من الناس ليه ماتزوجت ليه ماتوظفت ليه ماتدرس كل شيء على راسي شيء جنوني

قررت اعتزل عن العالم والاستمتاع في المنزل لا زواجات ولاهم يحزنون

عهد: طيب انا امشغولة اكلمك بعدين

سعاد: يلا ياعزيزتي باي

اتصلت عهد على ولاء ..

ولاء: هلا عهد كيفك

عهد: بخير أسالك وش فيها سعاد ..؟؟

ولاء: ههههههههههههه كلمتك ..

عهد: ياليتني ماكلمتها حسيت اخذت عدوة من فيصل

ولاء: هههههههههههههههههههههه الله يرجك

عهد:يعني تقول الحمدلله انا في البيت ليش ادوش نفسي واعتزلت عن العالم هي صاحية ..؟؟

ولاء: من يوم حكاية المؤسسة دي وهي كدا ايش اسوي انا تعبت حتى اتحاشاها اتكلم معاها

عهد: الله يعينها يارب ويعوضها يارب

ولاء: آآآآمين يارب

عهد: ماجدة كلمتك ..

ولاء: لا ليش

عهد: قالت اليوم عندها مقابلة ..

ولاء: ولا قالت الدبة انه عندها

عهد: يلا انا قلت لك ..

ولاء: يبغالي اكلمها امكن تلاقيها نايمة

عهد: ماترد وهي وعدتني انها تتصل

ولاء: اقولك شكلها زعلانة في شيء شكلها قالوا لها شيء

عهد: الله يستر وانتي ايش تسوي ..

ولاء: انتظر الردود ابغى شركة تجي تحن علي وتقول يلا في بكرة مقابلة .. واغلب الشركات ابوي يقول لا لا لا .. ايش اسوي في نفسي

عهد: انا اهلي زعلانين على 1200 بس طز اهم شيء مااجلس في البيت اسوي شيء

ولاء: وكيف البنات مازعلوك في شيء عصبوكي

عهد: الا يعصبوا بس الاستاذات حاسديني قالوا ياليت نملك سياسة يخلوا البنات يحبوكي ..

ولاء: لانك قريبة من القلب ياعهد اكيد تعامليهم كأنهم اخوات صغار

عهد: تسلمين على الكلام الحلو احرجتي تواضعي ..

ولاء: ادعي لي وشوفي لي وظيفة في المدرسة بجد انا محتاجة اشتغل اكسب خبرة عشان اتوظف في شركة احسن

عهد: والله ادعي لكم من عيوني

ولاء: انتي قدمتي للجامعة .. في وظيفة ادارة

عهد: ايه ورددي يا ليل مااطولك الكل يقول لازم واسطة وانا واسطتي رب العالمين

ولاء: انا روحت تخيلي قالوا لي مافي

عهد: ارسليها مع اخوكي قسم الرجال

ولاء: اجل يبغالي اكلمه

عهد: ان شاء الله يلا باي ابوي يبيني ..

ولاء: باي

........

دخلت والدة ماجدة الى غرفة ابنتها ماجدة ومعها كأس حليب ..

ام ماجد: ماجدة ..قومي يابنتي الساعة صارت مغرب وانتي في الصبح نايمة

قامت ماجدة ولم تتكلم كلمة وحدة ..

ام ماجد : اشربي حليب ادري يابنتي زعلانة من ابوكي ودفاشته وحكاني وكمان زعلانة على حظك بس ربي يعوضك صدقيني

ماجدة : ان شاء الله يا أمي

ام ماجد : يلا يابتي قومي واقضي اللي فاتك من الصلوات عشان ربي يوفقك

ماجدة: استغفر الله ماحسيت بنفسي ولا بالمنبه حقي

ام ماجد : معليش ادري انك زعلانة يلا قومي ..

ماجدة : ان شاء الله خير ..

.........

قامت ماجدة واخذت تصلي وتقرأ القرآن واتصلت عهد عليها

ماجدة : ألو

عهد: اخيرا يابنت وينك

ماجدة: كنت نايمة ..

عهد: ايش بك صوتك مو عاجبني

فبكت ماجدة : الله يلعن اليوم اني اتكلم فيها عربي

عهد: وجع لاتقولي كدا انتي انسانة مؤمنة واكثر وحدة فينا متفائلة ويكفي انك تقرأي قرآن غيرك يتعلموا عشان يقرأوا القران

ماجدة : كيف كيف كيف يقولون تعلموا انجليزي واحنا ماتعلمناه في المدرسة ايش التعليم المتدني اللي عندنا كيف

يقولون يلا اتعلمي واحنا ماتعلمنا اساسا حسبي الله ونعم الوكيل

عهد: هدي بالك ماجدة ..ماجدة انتي اقوى وحدة فينا

ماجدة: مقهورة يحق لي ابكي انا مقهورة تدرين ابوي طول الطريق يهزئني عشان سألني انتي تعرفي انجليزي قلت لا

عهد: كلنا مانعرف

ماجدة: ايش اسوي فهميني بس قولي لي ..

عهد: الله يعوضك قولي يارب ياقلبي صدقيني ربنا راح يعوضنا

ماجدة: آمين يارب

عهد: روحي ريحي مخك وان شاء الله ربي يفتحها عليك ..

ماجدة: آمين يارب

عهد : مع السلامة ..

ماجدة : مع السلامة ..

.....

في المسن

الحمدلله يارب اخيرا بدأ مشواري نحو الهدف:

مسكينة مجودي حزنتيني ياعهد ..

لولو الحلوة :

اااااه قهر وربي ليه يقولوا سعودة ومافي سعودة من الاساس ..

ابلة عهد :

الله يكون في العون حتى عندي مصارية مدرسات في نفس المدرسة

مس سوسو :

ما قلت لكم مافي احسن من جلسة البيت والله انكم تحبوا الشقا اي طموح مادام مااحد يدعمكم في الطموح

الحمدلله يارب اخيرا بدأ مشواري نحو الهدف:

سعاد ايش بك انتي اتجنيتي

ابلة عهد :

خليني اجي عندك اكفخك ايش ذا الكلام

مس سوسو :

اصلا انتو ناويين تنتحروا يااشيخة كلهم استغلاليين انتي ياعهد اول وحدة استغلالية

ابلة عهد :

وش دخلك انا عاجبني عندك مانع روحي اشربي من موية البحر

لولو الحلوة :

استهدوا بلله

مس سوسو :

انا اشرب موية البحر يلا بكرة تقولي سعاد قالت وسلام مالت عليكم اصلن انا ماني زيكم جربت تجربة وتبت وانتوا بس تحبوا الشقا

حسبي الله عليكم

لولو الحلوة :

سعاد صلي على النبي

مس سوسو :

سلام

الحمدلله يارب اخيرا بدأ مشواري نحو الهدف:

اشبها سعاد يابنات لازم اروح اكلمها بالتلفون

ابلة عهد :

خليها تطنز عليك هي ماتبي تسمع تروح تسمع لنا كلام جارح خليها تنقلع

لولو الحلوة :

عهد مايصير يابنت الحلال هدي اعصابك

ابلة عهد :

وش دخلها قد كذا حاقدة اني اتوظفت هي باعت صداقتنا مو انا

لولو الحلوة:

ووصلتيها بيعة صداقة ومقاطعة

ابلة عهد :

ايش رأيك في الاسلوب

لولو الحلوة :

صدقيني سعاد قلبها طيب بس هي زعلانة وصدقيني بكرة تقول اسفة

ابلة عهد :

يصير خير اروح انام بكرة دوام باي

لولو الحلوة :

كلكم روحتوا يلا خليني اكلم سعاد اشوفها وش فيها البنت .. مع نورة

ابلة عهد:

انا مااراح اسأل خليها براحتها

لولو الحلوة :

الله يعيننا ويسهل امرنا ... باي