خطبة ولاء

.. في الصباح لم تنم ولاء بل جلست تفكر كثيرا بخصوص العائلة التي سوف تأتي لتراها فأتصلت ولاء على ماجدة لكي يذهب منها التوتر

ماجدة: هلا

ولاء: نايمة صح

ماجدة: احد ينام ويفوت منظر البحر

ولاء: ايوا صح نسيت انك في الكبينة قوليلي ايش جالسة تسوي

ماجدة: اتمشى في السقالة واتفرج على منظر البحر

ولاء: ماشاء الله صاحية وتتمشي في البحر والشمس حارة

ماجدة: يووووو يا شيخة الجو يهبل صحيح الشمس تحرق بس تجلسي عند البحر تشمي ريحة البحر مع الهواء شيء رائع

ولاء: الله يقرفك من زين ريحة البحر ترى اقرف احيانا اكيد كلها وسخ وجراثيم

ماجدة: اقووول هييه لاتهينين البحر احلى شيء البحر مااسمح لك تهينينه

ولاء: هههههههههههه اللي يشوفك يقول انك راح تتزوجيه

ماجدة: لو كان البحر شخصا لتزوجته

ولاء: الله على الشعر الله

ماجدة: شوفتي كيف انفع اصير المتنبي

ولاء: لا ياختي راح يتبرى منك المتنبي

ماجدة: وجع انتي ام التحطيم

ولاء: انا صريحة واللي مو عاجبه يشرب موية عفانة البحر

ماجدة: وجع ترا بعطيكي بوووكس ترى واراويكي

ولاء: يوووه الحمدلله ماسمحوا بسواقة المرأة

ماجدة: مو مشكلة استأجر هيلوكبتر واطلع فوق سطح بيتك

ولاء: ههههههههههههههههههههههههههههه والله انك رهيبة ياماجدة والله بطني عورتني ضحك

ماجدة: شوفتي كيف طولة اللسان هههههههههههههههههههههههههههههههههه الله يرحم ايام الجامعة تتذكري سوينا صادوه على البنات

لما انا وانتي نتخاصم وندردح بعض جات فادية الله يذكرها بالخير حسبتنا متخاصمين جالسة تقول صلوا على النبي وسعاد تقول خلاص

مايصير حنا صحبات جيتي قلتي صادوه مدسونا تمديس

ولاء: هههههههههههههههههههههههههههههه ااااااااااااه ياربي ايه تذكرت مسكتني سعاد من شعري وانتي هروكي

ماجدة: اشبك اللي يمر يطالع يقول اشبهم يتخاصموا ايش صار ووقفوا بنات يتفرجوا علينا

ولاء: والله نفسي ارجع لايام الجامعة تصدقي ماني متخيلة يجي رمضان واكون في البيت

ماجدة: من جد حتى انا ماني متخيلة

ولاء:الله يعين ..يلا سليتيني شوية كنت مكتئبة وماجاني نوم

ماجدة: ليه ايش صار

ولاء: ماادري بس كدا بس يلا اسيبك بدأ النوم يجيني

ماجدة: ريحي ياقلبي .. الله معاك ..

ولاء: مع السلامة .

فأنتهت الاتصال فجاءت جومانة الى ماجدة..

جومانة: وينك يا ماجدة والله جلست ادور عليكي وليه ماتصحيني من النوم

ماجدة: حسبتك نايمة قلت اخليها

جومانة : ترى ستي تقول لاتبعدوا عن المكان كثير

ماجدة: ههههههههههههه ستي دي مرة خايفة علينا الله يعطيها العافية

جومانة : اصلن بعد شوي نروح نسبح

ماجدة: والله الشمس حارة خايفة اسمر خليها في العصر

جومانة: والله صح كلامك

ماجدة: اصلن خالاتي راحوا يشتروا بدل حق السباحة تخيلي ماجابوها معاهم وانا قلت لهم جيبوا قالوا مافي مسبح

جومانة: تحمسوا لما شافونا نسبح ههههههههههههههههههههههههههههههههههه

ماجدة: نفسي في عصير كوكتيل يلا خلينا نروح نشتري

جومانة : انا ابغى عصير اورانج

ماجدة: يلا

......

في الظهر كانت عهد تحاول ان تتصل على خالد ولكن جواله مغلق فدخلت عليها والدتها في غرفتها ..

ام راشد: وش فيكي يابنت من يوم ماصحيتي وانتي ماسكة الجوال .

عهد: اااااه مافي شيء بس جالسة ادق على ماجدة ماترد اشغلتني

ام راشد: ايييه تلاقيها مشغولة يابنتي يلا قومي انتي عليكي تسوي لنا سلطة واختك الرز

عهد: مو مشكلة ياامي ماياخذ وقت

ام راشد: قومي لان ابوك راح يجي قريب يلا يابنتي الله يرضى عليك

عهد: ان شاء الله ياامي

فأتصلت عهد على ماجدة ..

عهد: الووو

ماجدة: اهلين وسهلين وينك يالقاطعة ياوحشة ياللي ماتستحي

عهد: اوف اوف اوف شوي شوي علي انتي اللي ماصرتي تنشافين ياخبلة

ماجدة: انا حرام عليك تدري اني في كبينة وماني فاضية ادخل

عهد: ايه ندري واعرفك داشرة من عمرك شكله كل الكبينة عارفينك

ماجدة: الله اكبر من عينك يابنت ..

عهد: الله يقطع شرك بس هههههههههههههههه وكيف الكبينة

ماجدة: ال ال الروعة صراحة فيها كل شيء ملاهي و بحر ويخت وملاعب وحدايق وسوبر ماركت ومطاعم كأنك عايشة في مدينة

عهد: حمستيني وربي ههههههههههههههههههههههههههههههههه

ماجدة: تعالي طيب

عهد: اهلي مايعرفون غير الطايف والاستراحات بس كبينه لا

ماجدة: والله بحر ازرق والشمس تعكس عليها يجنن

عهد: الله الله لاتقهريني

ماجدة: هههههههههههههههههههههههههههههههههههههه

عهد: اقولك شيء اسمعيني

ماجدة: هلا

عهد: ماابغى اطول بس وربي لي فترة ماانام كويس

ماجدة: عشان خالد

عهد: ايه سافر لا أرسل ايميل ولاطمني

ماجدة: غريبة هو قالك انه راح يرسلك

عهد: المشكلة له كم يوم راح ولا قال لي

ماجدة: طيب في مشكلة تسألين اخته اذا وصل ولا لا مو اخته تدري انكم تحبوا بعض

عهد: ايه ايه تدري ..بس

ماجدة: بس شو

عهد: ماعندها جوال ولو اتصلت اكيد امها ترد علي ومااحب يعني اقول تعرفي في حساسية مرة كبير بين اهله واهلي

ماجدة: الله يكون في عونك

عهد: ااااااااااه ياقلبي بس وربي خلاص بدي اتوظف واعيش حياتي شوية وربي حالة تعبت افكر فيه واهلي وابوي

ماجدة: استهدي بلله استهدي بلله يصير خير ان شاء الله

عهد :يارب ..خلاص اخليك انا رايحة اساعد اختي

ماجدة: لاتقلقي تلاقين يوم ولا بكرة رسالة

عهد: ان شاء الله يلا باي ..

ماجدة: باي..

.....

بعد غروب الشمس وحضروا الضيوف في بيت ولاء وكانت ولاء في غرفتها لابسة فستان وردي طويل ووضعت فقط الكحل في عينها

فدخلت والدتها عليها .. فتفاجأت

ام راكان : ولاء ..حطي شوية شادو بس كحل ومرطب ليه خليهم يشوفوكي حلوة

ولاء: ماما انا في الطبيعة ماني حلوة قصدك ولا كيف

ام راكان : لا يابنتي بس لازم نوريهم انك مهتمة في نفسك

ولاء: لا يا أمي خليهم يشوفوا انه طبيعتي حلوة

ام راكان: الله يعيني على عنادك يلا ادخلي وسلمي على ام فهد واخته وخالته

ولاء: العريس اسمه فهد ..

ام راكان : ايه تراهم ماشاء الله انيقين مرة ادخلي وسلمي عليهم

ولاء : الله يستر

فذهبت ولاء عندهم وقبل ان تدخل اخذت تقرأ على نفسها المعوذات واية كرسي ودخلت ..

فسلمت عليهم فكانت ام فهد تنظر الى ولاء من فوق الى تحت

فجلست ولاء .. وقالت لها اخت فهد : كيف حالك

ولاء: بخير الحمدلله انتي كيفك ايش اخبارك

اخت فهد : بخير الحمدلله

ام فهد: ماشاء الله تبارك الله .. ايه ياام راكان ولدي ماشاء الله زي ماقلت لك كابتن طيار وبسم لله ماشاء الله عليه ماخلا مكان الا وراح

حتى امريكا وصلها

ام راكان : ماشاء الله ...الله يحفظه ان شاء الله يارب..

ام فهد: وبنتك ايش تخصصها قولتي لي نسيت

ام راكان: بنتي توها تخرجت وتخصصها ادارة اعمال

ام فهد: ماشاء الله في بيزنس يعني تصير بيزنس وومن بس في مشكلة يا ام راكان ودا شرط ولدي وانا صراحة معاه ..

ام راكان : تفضلي يا أم فهد .

أم فهد : انا ولدي مايحب المرأة اللي تشتغل واللي تدرس صحيح سفراته كثيرة بس هو يحب حرمته تكون ست بيت وتخدمه

فتفاجأت ولاء ونظرت الى ام فهد بإستغراب ..

أم راكان : ولدك في كل سفراته كم يقعد ..

أم فهد: من ثلاثة ايام الى 5 أيام وبالكثير اسبوع

ونظرت ولاء بدهشة اكثر وأكثر

أم فهد: بس والله ليه البنت محتاجة تشتغل ولا تتوظف ولا حتى تكمل دراستها ماشاء الله على ولدي راتبه يفتح بيت وحتى تقدر تشتري

اللي نفسها فيه

أم راكان : أكيد كابتن طيار مايحتاج

أم فهد: ترى مرة ولدي مايحب كمان البنت اللي تخرج من بيتها يحب البنت اللي تجلس في البيت وترى يحب النظافة ويعشق الاتيكيت

تخيلي تعلمها لما سافر اليابان صار يحب الشاي الاخضر ويحب يمارس الرياض..ويحب كمان المساج ..يعني ولدي ممتع نفسه كمان

ام راكان: ماشاء الله اغلب الرجال بكروشهم

أم فهد: ايه يابنتي وحنا الحريم مانقصر بعد الولادة بكروشهم هههههههههههههههههههه

فكانت ولاء كل ماتسمع مواصفاته تزداد ضيقا وفي نفس الوقت بالغرابة اكثر خصوصا انها انصدمت انه يحب المرأة البيتوتيه ومايخليها

لا تدرس ولاتكمل جامعة ولا تشتغل فأستغربت انه تفكير ضيق حتى اكتشفت انه انسان أناني يحب كل شيء لنفسه

بعد ساعة غادروا من بيت ولاء .. فجاء والدها وسأل ام راكان : هابشري كيف أهل العريس؟

ام راكان: ترى يبغوا بنتك و عجبتهم وطلبت منهم مهلة عشان تفكر وتسأل عنه وتشوف بنتي شو ترد

ابو راكان:كيف العيلة انتي ايش رأيك

ام راكان : صراحة ياابو راكان انا مارتحت لهم ..حتي بنتي تضايقت

ابو راكان: قال ليه ايش حسيتي ..

ام راكان : صراحة يبغوا بنتك خدامة لولدهم وشرط هو لاتشتغل ولاتكمل دراستها ويبغاها ست بيت وباين من كلامها انه اناني مايفكر

الا نفسه وانا حسيت كدا لانه بس جالسة تتكلم عن ولدها ايش يحب وايش مايحب وانه مرة يحب الاتيكيت وانه يحب ومايحب

ابو راكان : وبنتك شكلها ماعجبها الحال

ام راكان: بنتك وجهها صارت اصفر وهي تقول ولدي ولدي وخصوصا بعد ماقالت مايحب المرأة اللي تدرس وتطلع برا البيت

ابو راكان: لا هذا مزودينها يعني ماهمهم مصلحة بنتي زي مايهمهم مصلحة ولدهم وانه يبغى كدا ويتشرط كدا هذا من اولها كدا

ام راكان: والله ياحبيبي انت عارف طبع بنتك وماراح تتفق معاه وبنتك انسانة تحب الانشطة وتشتغل وتخيل يعني مو عدل انه

يسافر ويقعد ب 3 و5 واسبوع وهي ماتسوي شيء باين انه شديد مرة

ابو راكان : وينها بنتك

ام راكان : في غرفتها ..

ابو راكان : ولاء يا ولاء ..ولاء

جاءت ولاء: ايوا يابابا

ابو راكان: تعالي اجلسي

فجلست ولاء وقالت : ايوا يابابا

ابو راكان: ايش رايك في أهل العريس

ولاء: صراحة يا بابا لاتزعل انا ماابغاهم ولا ابغى اناسبهم

ابو راكان: ليه يابنتي

ولاء: اول شيء استخرت وماحسيت بالراحة ولما شوفت الام تتكلم على ولدها وقالت معلومات عنه حسيت اني حتى لو تزوجت ماراح

استمر يعني انسان اناني

ام راكان: زي ماقلت لك يابو راكان من كلامهم اكتشفت حتى انا انسان اناني

ولاء: مو بس كدا ياماما يعني بالعقل سفراته كثيرة اجلس في البيت اسبوع وهو حضرته يتشرط لاشغل لااكمال دراسة ولا شيء خير

وين عايشين احنا ويبغوني اخدمه واسوي له مساج ولازم اتعلم اتيكيت

ابو راكان: هدي هدي يابنتي ماراح نزوجك الا اذا انتي موافقة وراضية .. وثاني شيء انا من كلامكم ماارتحت بس اسأل لعل الام

تكون هي مزودة الطين والعجين ويطلع الولد ابن حلال بس تعرفي الام تبي راحة لولدها

ولاء: بابا بليز لاتعذب حالك انا ماارتحت للعيلة دي مرة وعشان وظيفة كابتن طيار تخلوني اتشعبط فيه لا ماابغاهم سامعيني ماابغاهم

ام راكان: طيب يابنتي اصبري

ولاء:يعني افهم تزوجوني غصب لو طلع الكلام غلط

ابو راكان: لايابنتي

ولاء: خلاص ماابغاهم وفكوني من السيرة ...الله

وخرجت ولاء وتركتهم وكانت ام راكان تنظر إلى زوجها بإستغراب فقال لها : خلاص اللي تبيه بنتي وبكرة كلميهم معليش خيرها بغيرها والله يوفقهم مع وحدة ثانية

ام راكان: اااه ان شاء الله ..الله يعين

........

في الكبينة وفي اخر الليل كانت ماجدة مع جومانة في المسبح يسبحون والعائلة كلهم في حديقة الكبينة يشربون الشاي

فسألت جومانة وهي في المسبح وقالت: ماجدة..بسألك بس سؤالي بايخ شوي

ماجدة: اسألي

جومانة: عمرك حبيتي ولا شيء

ماجدة: ليه تسالي

جومانة : بس أسأل يااختي ولا ماتحبي ودا شي خصوصي لك

ماجدة: لا عادي ياقلبي ..بالنسبة للحب وين الحب في الزمن دا يا جومانة لو قالوا في حب صادق كان حبيت بس مافي هالايام حب كلها كذب

جومانة: طيب في ناس تحب بصدق

ماجدة:وفي النهاية ياجومانة سمعت حب صادق دي الايام نهايتها حلوة

جومانة: بصراحة امكن مايحصل حب نهايته زواج الا 0,5%ودا اللي متوقع

ماجدة: شوفتي كيف مافي حب حقيقي

جومانة:مجودة انتي في حياتك قد حبيتي امانة قوليلي انا اختك

ماجدة: ههههههههههههه اش فيكي يامصربعة على الحب لا والله ماحبيت ههههههههههههههههههه

جومانة:خذي اطشطش عليكي موية

ماجدة: لا يامعفنة لاتسوي فيني كدا

جومانة : ول شعري بلبلتيه ياخايسة

ماجدة: ههههههههههههههه احسن اي لاتغطسيني

ومازالوا يلعبون في المسبح الى اخر الليل وفي الصباح باكر

كانت سعاد في سيارة مع والدها حيث يدورون على العنوان فكان والدها لم يرى لوحة لمؤسسة ربح

ابو احمد: يابنتي وين المؤسسة دورنا نفس الشارع مالقينا

سعاد:ابوي شوف في لوحة صغيرة

ابو احمد: ويقولون لوحة كبير كمان

فوقف السيارة في مواقف وخرجوا من السيارة

ابو احمد:يابنتي انا طالع معاك لانه المكان في عمارة وانا خايف عليك

سعاد : طيب ياابويا

فصعدوا الدرج الى مقر المؤسسة فوصلت عند الباب وكان مكتوبا مؤسسة الربح النسائية ممنوع دخول الرجال

ابو احمد: خلاص انتظرك برة

سعاد: طيب

فرنت الجرس وفتحت احد العاملات باب

وجلست وكان المكتب عبارة عن شقة فرات بعض الفتيات يعملن وجاءت السكرتيرة وقالت : انتي الاخت سعاد

سعاد: ايه نعم

السكرتيرة تفضلي

سعاد : مشكورة

فدخلت على مديرة المؤسسة وهي اسمها منى

منى: حياك تفضلي

فجلست سعاد

منى: كيف الحال ياسعاد

سعاد : الحمدلله

منى: عرفيني على نفسك

سعاد: انا سعاد عبد الرحمن عمري 23 سنة درست في جامعة الملك عبد العزيز تخصص ادارة اعمال تسويق ولي خبرة في تصاميم فوتوشوب وفلاش

والان اعتبر متخرجة حديثة

منى: ماشاء الله كنتي تشتغلي مصممة قبل كدا

سعاد:لا مااشتغلت بس كنت اسوي تصاميم واعلانات في انشطة الجامعة

منى:عندك نماذج اشوفها

سعاد : تفضلي هذا الميموري موجود فيها كل شيء

فأخذت منى منها الميموري واطلعت على نماذج تصاميم

منى: هذا هو المطلوب بجد انتي اللي كنا ندور عليكي صراحة ماشاء الله عليك تصاميمك رائعة جدا

سعاد: مشكورة ياستاذة منى

منى: انا راح اوظفك عندي ولكن كمتدربة اول شيء ومن ثم اخليكي بعد شهرين موظفة رسمية مع الراتب وراتبك يكون 2500 ريال ولما تصيري موظفة رسمية يصير 3500

والف مبروك

سعاد: مشكوورة يااستاذة منى

منى : اسبوع الجاي راح تداومين معانا

سعاد: ان شاء الله

منى: الله يحييك وتشرفنا بيكي اشوفك يوم السبت الجاي بأذن الله

سعاد: شكرا جزيلا مع السلامة

...