رواية طموحات في زمن اليأس

طموحات الفتيات من اولويات والاهداف الذي يريدون تحقيقها في حياتهم لم يصلون بعد

فمازالوا في بداية طريق الكفاح ..

في الصباح الباكر تلقت سعاد اتصال من مكتب توظيفي ...

سعاد: ايه انا سعاد

الموظفة: معاك مكتب توظيفي نسائي

سعاد: اهلا وسهلا

الموظفة : في وظيفة في مؤسسة ربح للدعاية والاعلان ..

سعاد: طيب

الموظفة: سيكون بعد غدا مقابلة وظيفية الساعة 10 الرجاء يطلب حضورك

سعاد: طيب وظيفة ايش

الموظفة: ايه اسفة اختي وظيفة مصممة اعلانات

سعاد: على خير ان شاء الله أحب اسألك هل المؤسسة اختلاط

الموظفة: لا يااختي مؤسسة نسائية بحته

سعاد: على خير

الموظفة: لاتنسى الموعد يااخت سعاد ..وموقع المؤسسة شارع صاري بالقرب من مطعم بيتزا مكتوب لوحة في العمارة مؤسسة ربح

سعاد: ان شاء الله

فذهبت سعاد الى والدتها تبشرها واخبرتها بموضوع الوظيفة ...

ام احمد: معقولة مؤسسة نسائية خاصة مافيها اختلاط

سعاد: ايوا يا امي سألتها بنفسها

ام أحمد: وين مكانه

سعاد: في شارع صاري قريب مننا ياامي

ام احمد: انا فرحانة في شركات مافيها اختلاط ودا شيء طيب

سعاد: في يا امي شركات الدنيا لسه بخير

ام احمد : اكلم ابوكي ونشوف مين يوديكي

سعاد: حاضر يا امي

...

اتصلت سعاد على عهد بالجوال..

عهد: هلا والله

سعاد: هلا والله كيف الحال ؟

عهد: تمام انتي كيفك

سعاد: تمام الحمدلله

عهد : ايش مسوية كيف امورك

سعاد: مرة طايرة من الفرح

عهد: فرحيني معاك

سعاد: والله اول شيء مرة شكرا والله على الايميل اللي بعتيها لي

عهد: مابينا شيء عشان تشكريني بالعكس لازم نساعد بعض.. اكيد جاتك وظيفة

سعاد: ايه في مؤسسة ووظيفتي تصميم اعلانات وابشرك كمان الحلو فيه انها مافي اختلاط

عهد: حلو والله

سعاد: وامي تحمست كمان وراح تكلم ابوي

عهد: الله يتمم على خير يارب ومتى مقابلتك

سعاد: بعد بكرة ان شاء الله

عهد: يارب يقبلوكي

سعاد: يااااااااارب

عهد: بس وين مكانها امكن ارسلك سي في حقي وتقدمين لو توظفتي ان شاء الله

سعاد: في شارع صاري

عهد: اووف بعيدة والله

سعاد: بس قريبة من بيتك

عهد: اجل مااقدر

سعاد: ليه طيب شوفي سواق لكم ..

عهد: يوووه ولا يخلوني اروح لوحدي من اصله مرة بعيد عن بيتي

سعاد: الله يختار لك الخير ان شاء الله

عهد: امين

سعاد: يلا اشوفك في الليل على المسن

عهد: ان شاء الله

سعاد : مع السلامة

ففكرت سعاد: ..امممم خليني اتصل على ولاء لي فترة عنها ..

فأتصلت عليها وردت ولاء..

ولاء: الووو

سعاد: هلا لولو كيفك ايش اخبارك ايش مسوية كيف اهلك وكيف اخواتك وكيف صحباتك.

ولاء: شوية شوية علي مااقدر ألحق

سعاد: ههههههههه امزح بس وحشتيني

ولاء: والله انتي اكثر

سعاد: كيفك طمنيني..

ولاء : ولا شيء ساعدت ماما في البيت واللحين اريح وجالسة انا على المنتدى في النت نستهبل انا وماجدة

سعاد: يالخونة من ورايا تدخلوا المسن في العصر

ولاء: مو زيك في انصاص الليالي مثل البومة

سعاد: ههههههههههههههههههههه طيب طيب انا اوريكي

ولاء: ههههههه امزح ...بس انتي شو عاملة واخبارك انتي ؟

سعاد: مرة مبسوطة ..وابشرك جاتني وظيفة في مؤسسة ..

ولاء: والله احلى خبر ..

سعاد: لسه خليني احضر مقابلة وان شاء الله خير بس ماادري حاسة انهم يقبلوني

ولاء: وظيفة شو

سعاد: مصممة اعلانات

ولاء: ياواد يامصممة

سعاد: ههههههههههههههههههههههههههههه

ولاء: طيب امانة خبريني ايش صار

سعاد: بس لاتقولي لاحد غير شلتنا بس لانه ابي اهم شيء يتمم

ولاء: حاضر ياستي

سعاد:يلا انا اللحين احضر الغداء مع السلامة .

ولاء: الله معاك ..

فانتهت المكالمة ..

ولاء: يووو نسيت اسألها من فين قدمت ..امممم خليني اشوف بعد المقابلة ايش يصير ..

دخلت ام راكان عند ولاء ..

ام راكان : ولاء عندي لك خبر ..

ولاء: ايش ياامي

ام راكان : بيجون بكرة ضيوف يشوفوكي

ولاء: نعم

ام راكان : ايش نعم ايش فيكي يابنتي مو خبر يفرح

ولاء: مين ذولا طيب يا امي

ام راكان : ذولا عايلة كبيرة وولدهم كابتن طيار ويسافر حول العالم ماشاء الله راح تنبسطي معاه يابنتي

ولاء: يا أمي انا مالي ومال شغلته اهم شيء ابن حلال ..

ام راكان: يابنتي باين الولد ذكي وشاطر ولا ماكان حصل ذي شغلته

ولاء: ماادري

ام راكان : يلا اخرجي معايا اخوكي يودينا السوق نشوف لك فستان حلو

ولاء: مافيا حيل ياامي وبعدين جايين يشوفون يعني مو اكيد ليه الكشخة طيب

ام راكان: يابنت لاتعانديني تروحي يعني تروحي ولازم تتكشخي لو سمحتي

ولاء: اووووووووووووه طيب

ام راكان : يلا جهزي وألبسي عبايتك ..

ولاء: طيب..

فكتبت ولاء لماجدة في المسن

لولو الحلوة :

انا خارجة اللحين

لكل طريق عقبة في الحياة ولكن سنصل الى النهاية بنجاح:

فين ياقلبي بدري ..

لولو الحلوة :

رايحة مع امي السوق

لكل طريق عقبة ولكن سنصل الى النهاية بنجاح:

ماشاء الله انا في العشاء خارجة السوق

لولو الحلوة:

يصير خلاص نتقابل في الليل ..

لكل طريق عقبة ولكن سنصل الى النهاية بنجاح:

يوصل ان شاء الله

.........

في غرفة النوم كانت نورة في مكتبها تعمل من اجل المشروع حيث كانت تضع برامج وذلك للاستعداد في حال الموافقة عليها

دخلت سهام وهي تغني : انا بحلم بيك انا بحلم بيك تا لا لا تيرارا

نورة: الله يرحم والديكي ترى صوتك نجاز بليز انا مشغولة لاتشوشي مخك

سهام: يابيزنس وومن من قدك

نورة: الله اكبر قولي ماشاء الله

سهام: ماشاء الله بس عليه مالت

نورة: اعوذ بلله من الحقد اللي فيكي

سهام: امزح ..لاتصدقين وجع ...اقولك شوفت امي تكلم بالتلفون تكلم صحبتها تشتكي عشان ابوكي ماوافق ..

نورة: ماوافق في ايش

سهام: في العريس

نورة: ايش دراكي

سهام : عندي كل القصة بس مادام ماتصدقيني ماني قايلت لك

نورة: تعالي اجلسي ايش صار..؟؟

سهام : ماني قايلة يلا..

نورة: بلا هبل يابنت قوليلي ايش في ..

سهام: خلاص لاتعصبين ..شوفي ..

انا جالسة اتفرج تلفزيون امك دقت على صحبتها وجالسة تشتكي وسمعت القصة من اولها ..وقالت انه تقدم لك واحد بس ابوكي رفض

نورة: مين اللي تقدم لي وبيت مين ومين الواحد ذا

سهام: لاتخليني اعطيكي بوكس لاتقاطعيني خليني اكمل لك

نورة: تفضلي ياختي

سهام: ذولا جيراننا القدام في بيتنا القديم بيت عمي حسن تقدموا لك واللي يبيكي ولده منصور اكبر واحد ..

نورة: منصور؟؟؟؟ متأكدة؟؟؟؟

سهام: ايه منصور ابو فيصل

نورة: من جدهم ذول ..ذا منصور كان يلعبني وانا صغيرة كيف يخليني زوجته وثاني شيء ولده اللحين في الثانوي

سهام: ايوا مو هذا اللي خلا ابوي مايوافق انه متزوج وثاني شيء عنده 6

نورة: طيب وزوجته

سهام: على حسب كلام امي انها عادي موافقة ..

نورة: لا ماهم صاحيين ابدا ايش الكلام الفاضي ذا زوجة ثانية ومنصور اتذكره لسه تخيلي كنت صغيرة لما حرمته ولدت وشايل ولده

جلست العب مع ولده واكلمه اللحين يبي يتزوجني مايدخل في راسي

سهام: بس امك زعلانة حيل

نورة: امي دايما تزعل مني ماادري ليه تقول انتي اعند بنت شوفتها في حياتي طالعة على ابوكي

سهام : خخخخخخخخخخ ايش رايك في الخبر

نورة: والله انك سوسة وربي مسوية نفسك بريئة اتاريكي مايفوتك اي خبر ياسوسة

سهام: تعرفين اختك تجيب الاخبار الحلوة ينفع تشتغل مراسلة العربية

نورة: روحي ياشيخة الله يعين امي لو دريت اني ادري حتبهدلك

فنادت ام محمد.. : سهام يا سهام يابنت تعالي جهزي القهوة والعشاء يلا

سهام: ياويلي .. حاضر ياامي

فضحكت نورة على اختها سهام واخذت تكمل شغلها بخصوص المشروع

......

كانت عهد تراجع في قائمة المدارس الاهلية بجدة حيث اتصلت على مجموعة ومجموعة ثانية لم تتصل بعد..فدخلت اختها عواطف

عليها ..في غرفتها

عواطف: بخلي بنتي نايمة هني انتبهي عليها

عهد: اروح اساعد امي ترى بعد شوي ماني فاضية اجلس في الغرفة

عواطف : انت وش تسوين اللحين اجل من يوم ماجيتي وانتي جالسة في غرفتك

عهد: جالسة اشوف ايش المدارس اللي اتصل عليها بكرة ..

عواطف: تبين تشتغلين في مدرسة أهلية انتي مانتي صاحية والله يكرفونك كرف وياليت الراتب عدل

عهد: طيب وش تبين اسوي اجلس في البيت يعني احسن شيء ادور لي شغلة

عواطف: طيب قدمتي اوراقك للجامعة تشتغلين ادارية هناك احسن من المدارس

عهد: قدمها ليا اخوي راشد واعطاني رقم المعاملة وهما يومهم بسنة يا بنت الحلال

عواطف: زين طيب .. ترى فيصل جاي مع مرته ..

عهد: لاحول ولاقوة الا بلله الغثي جاي عندنا

عواطف: هههههههههههه والله حالة

عهد: اجل اصلح القهوة من اللحين

عواطف : يلا انا رايحة معاكم في المطبخ وبنتي بخلي الباب مفتوح

عهد: يلا مشينا .. الله يعين

....

وفي الليل كانت سعاد تصمم بعض الاعلانات حتى تستعد للمقابلة الشخصية

فدخلت والدتها ..

ام احمد: ابشرك يابنتي ابوكي قال يوديكي

سعاد:الحمدلله يارب

ام أحمد: ايش تسوي اللحين

سعاد:اسوي بعض تصاميم امكن يقولوا اعرضيها علينا

ام أحمد : يارب يحقق لك اللي تبغيه يارب

سعاد: يارب ياامي الله يسمع منك ادعي لي

أم أحمد : دايما ادعي لك يابنتي ..ايه صح اخبارك صحباتك ولاء وماجدة ..ايش صار في المقابلة

سعاد: والله ياامي ادعي لهم برضوا طلع المصنع موب شيء والراتب 1800

أم أحمد : ايش فيها الراتب لما يكون قليل بكرة يكبر الراتب ليه يعني

سعاد: ماما ياليت تفكيرهم زي تفكيرك الاهل مارضيوا وخلاص

أم أحمد: الله يعوضهم خير يارب

سعاد: امين ياامي والله امي خايفة ادعي لي

أم أحمد: وكليها لربك

سعاد : والنعم بلله

أم أحمد: لاترهقي نفسك وراك بكرة لازم تكوني مصحصحة للمقابلة

سعاد: ان شاء الله ..

.....

فرن جوال سعاد فكانت ولاء متصلة ..

سعاد: اهلين ولاء

ولاء: هلا فيكي

سعاد: اش فيكي صوتك مخنوق

ولاء: مافيني شيء

سعاد: فيكي شيء ..

ولاء: لا بس بكرة يجوني ناس يشوفوني

سعاد: احلفي

ولاء: ماادري حسيت اني ماني مرتاحة وشوية ابكي

سعاد: ليه

ولاء: مااعرف استخرت وقلب قلبي علي مواجع

سعاد: ترا انا مافهمتك اش فيكي

ولاء: المهم انه ناس يشوفوني ويبغوا يتقدموا لي والله يعين

سعاد: الف مبروك وربي فرحتيني

ولاء: مبروك على ايه انتي الثانية حتنضربي ترى

سعاد: اوف ايش العصبية .. اقولك هدي بالك نامي شوية اشربي عصير ليمون واقرئي قرآن

ولاء: امي ذي ماتبطل من حركاتها اخذتني اليوم ولفلفتني في السوق عشان اشتري فستان مخصوص حق الزيارة تقول لازم تطلعي حلوة

سعاد: كل الامهات كدا يتمنوا بناتهم يتزوجوا عادي ايش فيها

ولاء: مااعرف

سعاد: اسمعيني ياولاء روحي اقرائي قران و أستخيري وريحي بالك ولاتشيلين هم لو خير ييسرها لك لو شر يبعده عنك

ولاء: ان شاء الله معليش نكدت عليك وانتي تروحي للمقابلة

سعاد: لا عادي مانكدتي علي ولا شيء بس امانة بكرة خبريني

ولاء: لاتسويها زي ماجدة تقول لي تخيلي خلي الكاميرا مفتوحة عشان اشوفك في النت وتوترك

سعاد: هههههههههههههههههههههه الله يسعدها كيفها هي

ولاء: ماشية ماشاء الله هي بكرة رايحة الكباين تقول تقعد اسبوع فيها بس شايلة معاها لاب توب

سعاد: حركات ههههههههههههههههههههههههههههههه يبغالي اكلمها بكرة بس مافضيت جالسة اصمم بعض اعلانات عشان المقابلة

ولاء: حلوة منك والله ايه وريهم واستعدي من كل النواحي

سعاد: الله يحلي ايامك المهم يا حلوة انتي طمنيني ورحي اللحين صلي

ولاء: ان شاء الله اسيبك تشتغلي .. مع السلامة

سعاد: مع السلامة

.....