رواية طموحات في زمن اليأس

في احد الايام تصلت سعاد على ولاء..

سعاد: السلام عليكم ..

ولاء: وعليكم السلام ياعسل كيفك

سعاد: الحمدلله انتي كيفك وينك ياالقاطعة ..

ولاء: مشغولة ياقلبي تعرفي حال البنات تنظيف واخواني وخرجات ..

سعاد: الله يعينك يارب.. وربي الاجازة دي ماصارت اجازة راحة شغل البيت ورانا خخخخخخ

ولاء: ايه من جد ..

سعاد: اسمعيني يابطة انا راح اسوي حفلة تخرج ليا وبدي افكار لانه ماما راح تعزم ناس كثير وراح اعزمكم اكيد..

ولاء: واااااااااااو مبرووووك مقدما .. والله شي حلو ننبسط فيه ونفلها ونجي نزورك

سعاد: اهم شيء اكيد جمعتكم يا حبايبي وربي بدونكم مااسوى بجد..

ولاء: بجد فرحت لك تبغي مساعدة..

سعاد: ايه عندك افكار راح يجونا ناس كثير وانا بدي اعمل حركة زفة شيء ..

ولاء: امممممم والله جاتني فكرة ليه ماتعملي مثلا فيديو من يوم انتي صغيرة اللين ماكبرتي .

سعاد: اللي يعملوها في الزواج قبل الزفة ..

ولاء: ايوووا.

سعاد: تصدقي والله فكرة ..

ولاء: في شوكولاتات خاصة بالتخرج ..

سعاد: ايه الوالدة راح تشتريها ..

ولاء: اووكي واي فكرة بكلمك فيها ..

سعاد: مشكورة ماقصرتي ..

ولاء: على فكرة متى تسويها..

سعاد: بعد اسبوع بعطيكم خبر قبلها.

ولاء: اووكي..

سعاد: يلا باي

ولاء: باي..

.........

في العصر وفي جلسة عائلية تتحاو نورة مع والدها واخوتها .. في مواضيع الحياة ..

نورة : والله يابابا تدري ايش اطمح ...

ابو محمد: قولي يابنتي ..

نورة: اطمح اسوي مشروع مااحتاج لوظيفة ..

ابو محمد: قولي وش مشروعك ...

نورة: اطمح اسوي مشروع توعوي للناس ..

سهام ( اخت نورة) : قصدك دكتورة نفسانية ..

ابو محمد: هههههههههههههههههههههههههههههههههههههههههههههههههه هههههههههههههههههههههههههههههه

نورة: اتلهي يابنت مو قصدي كدا توعية يعني اوعيهم دينيا عن طريق دورات تطوير الذات..

محمد: يعني انتي الواعية اللي فينا ..( محمد متزوج وعنده ولد)..

ابو محمد: محمد مو بالشكل دا بنتي اخر العنقود وعاقلة ..

نورة: احسن ..

ابو محمد: كملي يابنتي ..

نورة: ويجوا داعيين واجيب بنات يشاركون معي وراح نخليها على مستوى منطقة غربية ..

علي( اخ نورة الصغير ): الله مرة وحدة منطقة غربية وين عايشة انتي قالوا لك اميرة ..

سهام: هههههههههههههههههههههههههههههههههه والله توحفة..

ابو محمد: شوفي يابنتي انا عجبني فكرتك بس اكتبي لي اهداف وكل شيء وش تبين وانا ادعم لك..

نورة: من جدك يا ابويا.. من جدك يا ابويا ..

ابو محمد: ايه يابنتي ..

نورة: خلاص اللحين اقوم اكتب ...

ام محمد : حاسبي حاسبي يانورة .. لاتجرين وتصرقعين .. وانت يا بو محمد الله يهديك تعطي للبنت امل ..

ابو محمد: بنت طموحة وادعمها وش فيها يا ام محمد

ام محمد: افرض جاها عريس... وش تسوي في مشروعها..

ابو محمد: يتزوجها هي والمشروع اذاتم ..

ام محمد: ياويلي البنت راح تجنني تصير عنيدة.

سهام : ابوي انا بدي اروح السوق باشتري لي اغراض تعرف زواج بنت خالي قريب..

بو محمد : ابشري روحي وخلي علي يروح معاكم ..

ام محمد: انا رايحة برضوا باشتري شوية ذهبان هدية لبنت اخوي ..

ابو محمد : ايه يا ام محمد باعطيكي فلوس ونقي الزين عشان بنت اخوك .

ام محمد: ماتقصر يابو محمد

محمد: ياابويا انا ماشي اللحين

ابو محمد : مع السلامة وجيب عبودي ولدك وحشني والله ..

محمد: خلاص بكرة يكون عندكم ..

ابو محمد: في حفظ الله ..

وفي نفس الوقت جاءت نورة جريا الى ابيها ومعها بعض الورق..

علي: الله الله بالسرعة دي ..

نورة: كاتبتها زمان يافالح ..

سهام: الحمدلله على النعمة صدق مانتي عاقلة ..

ابو محمد: ماعليكي هات الاوراق واشوف..

ام محمد: والله ماني خايفة الا على البنت اعرفها بتجنن نفسها ..

وجلست نورة هي ووالدها تحاور في موضوع مشروع حقها ..

ابو محمد: والله مشروعك يابنتي كبير بس حلو انه يفيد الناس خصوصا فئة المعينة هما المراهقين ..

توعية الفئة من 16 الى 25 في الدين والحياة ونصنع لهم الثقة بنفس ويقوم بعض المحاضرات في المدارس والاندية لتصقيل الثقة في

النفس وحب الدين ومساعدة الناس ... صراحة كلام جميل .. انا اساعدك فيه يابنتي ..

نورة: يعني ابويا خلاص المشروع راح يتعمل ..

ابو محمد: ايه ان شاء الله ونتوكل على الله ...

نورة: احبك ياابويا .. فحضنته..

ام محمد: الله يعيننا عليك .. ماراح تنامين على طول على النت ..

ابو محمد: خلي بنتي تسوي اللي تبغاه انتي اطلعي وشوفي كيف المشاريع وكيف تتعمل وكيف تديرينه..

نورة: ابشر ياابويا..

.........

واتصلت سعاد على عهد تعزمها على حفلة وتبي منها استشارة بخصوص الحفل..

عهد: الووو

سعاد: هلا والله..

عهد: اهلين وسهلين حياك الله..

سعاد: ازيك ياحلوة ..

عهد: بخير انتي كيفك.

سعاد: الحمدلله..

عهد: كيف اجازتك..

سعاد: ماشية حالي بدي اقولك ان شاء الله حفلتي تخرجي في بيتي اسبوع الجاي

عهد: حركااااااااااات مبروك ..

سعاد: لاتقولي انتي منتي جاية .

عهد: والله مااوعدك اهلي صعبين يا سعاد..

سعاد: حاولي ياقلبي وكمان ابي منك افكار .. عشان الحفلة..

عهد: طيب ابشري ... خليني افكر لك واسألك ..

سعاد: تعالي ايش التسحيبة البايخة حقك في الماسن تكلمي كلمتين وتشردي

عهد: ههههههههههه والله انشغل مع خواتي وامي واحيانا ابوي يدخل فجأة

سعاد: هههههههههههههههههه وربي ضحكتني ماجدة تدري ايش قالت

عهد: ايش

سعاد: مع حبيب القلب هههههههههههههههههههههههههه

عهد: هااااااااا...والله انها مهوية ذي البنت

سعاد: ادري ياحبها للمقالب والمزح هههههههههههههههههههههههههه

عهد: ايه والله

سعاد: مااطول عليكي انتظر ردك ياالغلا

عهد: ان شاء الله

سعاد: مع السلامة

عهد: حياك الله

عهد: قهرتني ماجدة الهبلة خليني اتصل عليها ..

ماجدة: هلاوالله

عهد: هلا بالمرجوجة..

ماجدة: اشفيكي زعلانة

عهد: انتي وهبالاتك كيف تقولين للبنات مع حبيب القلب

ماجدة: متى قلت

عهد: ياشيخة تو الناس تنسى

ماجدة: اهاااااااااا هههههههههههه والله مو قصدي بس رميت كلمة والله

عهد: لاوالله والله ماني قايلة اي تطور اللي بيني وبين ولد خالي خالد

ماجدة: اما هو في اصلا تطورات

عهد: ايه وبدي اناقشك فيه

ماجدة: ليه وش فيكي خير تركك قال شي يزعلك

عهد: انتي عارفة مااقدر قلبي متعلقة فيه مرة ..وانتي عارفة ظروفي

ماجدة: الله يسامح اللي وصلك لذي المرحلة ياعهد بس انه ولد خالك مايكون من نصيبك وشلون تتعلقي فيه

عهد: لو تشوفي ايش يهتم وكيف يسأل والله ماتلوميني

ماجدة: انا ماجربت احب ولا راح اجربه اساسا ههههههههههههههه الا مع نصيبي

عهد: لانك ماعندك عيال عم ولا خال

ماجدة: الحمدلله اني انا اكبر وحدة هههههههههههههههههههه

عهد:اسمعي

ماجدة: هلا

عهد: هو قال لي خالد انه راح يسافر عشان العمل وانه راح يغيب عن البلد اسبوعين ومن الشغل مايفتح النت

ماجدة: طيب

عهد: عندك طريقة اقدر اكلمه بدون خساير بالجوال

ماجدة: اثقلي

عهد: ماتعودت اسبوعين يبعد عني وتعرفي اخاف ابوي يشوف فواتيري ويذبحني وانا مابدي اي خساير

ماجدة: اقولك يا عودي وربي خليكي ثقيلة وثاني شيء الثقل صنعة

عهد: والله ادري بس وش اسوي اشحن بطاقة سوا واكلمه

ماجدة: ماعندي اي خبر

عهد: وربي خالد يوحشني وربي

ماجدة: بدي اسأل ولد خالك ويحبك وتحبينه ليه مايتقدم

عهد: ابوي مايحب ابوه ابدا ولا يبيهم

ماجدة: طيب والحل تظلي تحبي فيه

عهد: لاتعورين قلبي وربي كل صلاة ادعي انه من نصيبي

ماجدة: اسألك بلله يا عهد عمره قال احبك

عهد: ايه قال وكم مرة ..

ماجدة: جاد يبي يخطبك

عهد: ايه وجاد بعد بس ماادري ابوي موقف في طريقنا

ماجدة: عهد بليز لاتتأملي كثير

عهد: مااقدر قلبي تعلق بتجنن لو ماكلمته

ماجدة: طيب

عهد: فكينا من السالفة والله يعور القلب ..المهم عزمتك سعاد

ماجدة: ايه عزمتني والحمدلله .. انتي جاية

عهد: مااعرف

ماجدة: حاولي

عهد ان شاء الله

ماجدة : يلا امي تبيني بااااااااااي

عهد: باي ادعي لي واللي يسلمك يا ماجدة

ماجدة: ان شاء الله

قفلت عهد الاتصال وجلست تنهد وتفكر بالكلام وبخالد وبوالدها وماذا تفعل دخلت زوجة اخيها راشد (هناء

وشافتها عهد ساكتة تفكر بعمق

هناء: عهد وش فيك

عهد: هااا مافي شيء

هناء: فيكي شي اشوفك دايما سرحانة واخر شي طلعتي من المجلس وروحتي غرفتك

عهد: مضايقة

هناء: من ابوك ولا اخوانك

عهد:من الكل يا هناء من ابوي وتصرفاته احس اني حياتي تضيع بتصرفات ابوي

هناء: ابوك يحبك ويخاف عليك

عهد: ومن خوفه يضيعنا كلنا

هناء: ماضيعكم خلاكم تدرسون

عهد: عفاف تدخل 28 سنة وابوي يرفض بأسباب تافهة وفي الاخير خلاص قربت 30 انا مصيري راح يكون زي مصير اختي

هناء: لا تقولين كدا ابوكي يعوضك خير ..شوفي عهد انا زيك كنت في بيت ابوي ماخرجت يادوبك المدرسة

وربي رزقني براشد وعوضني والحمدلله ربي يعوضك

عهد: تدرين الله ييسر اموري بس ودي اشتغل ودي ادرس ودي اسوي اي شيء وابوي يقول لا بنك لا شركة ولا شيء الجامعة يادوبك اشتغل فيه والجامعة واسطة

هناء: ادعي ربك ادري فيك انتي طموحك تشتغلين ادارية في الجامعة

عهد: ايه حلمي وحياتي اشتغل في الجامعة ادارية

هناء: طيب معيدية

عهد: تعرفين يبيلها سفر وابوي مايخليني اسافر

هناء: الله يرزقك بللي تبينه يلا تعالي معي نجلس انا وانتي في المجلس مع اهلك

عهد: يلا انا جاية

فخرجوا هناء وعهد من الغرفة