رواية طموحات في زمن اليأس

في المؤسسة كانت سعاد غارقة في التصاميم للشركة.....بينما نفس الوقت دخلت عليها منى ...

منى: السلام عليكم

وقفت سعاد: وعليكم السلام

منى: ارتاحي يا سعاد..بسألك ايش صار في تصميم اعلان لشركة شاكر

سعاد: جالسة اقوم بتعديل وخلاص اليوم راح أسلمها لريهام تعطيها لهم

منى: كويس

سعاد: ابغى اسألك انا وانتي اتفقنا انه لي نصيب في كل تصميم اسويه وانا عملت اللحين 9 تصاميم وماشفت شيء من نصيبي

فنظرت منى لسعاد بكل استهزاء : اي فلوس واي نصيب مااتفقنا شيء.

سعاد: نصيب من اللي عملته قلتي لي في يوم المقابلة

منى: انا اصلا مااتفقت شيء معاكي انتي مجرد متدربة عندي يعني مافي شيء حتى ..

سعاد: طيب انا شوفت سلاف تعطي للبنات رواتب بس ماجات اعطتني

منى: من قالك انتي متدربة يعني ماعندي لك شيء عندي

صدمت سعاد بكلامها ..سعاد: طيب يا...

منى: سعاد كملي شغلك ولاتعطليني لو سمحتي الشركة تبي الاعلان مانبي تأخير لوسمحتي

سعاد: طيب

فخرجت منى من مكتبها وجلست سعاد تفكر كثيرا ..

فدخلت ريهام عليها: سعاد خلصتي ..

فلم ترد عليها سعاد .. ضحكت ريهام : سعاد..يا سعاد... من مأخذ عقلك يابنت

فقربت من اذنها وصرخت : سعااااااااااااد

سعاد: اااااااي يابنت ايش ذا فجعتيني

ريهام: انا من اول اناديك ولاتسمعيني..وجالسة اقول من مأخذ عقلك

سعاد: ولا شيء

ريهام : سعاد مانتي على بعضك ايش صار

سعاد: هذي اخرة التعب تقول مجرد متدربة وامكن مالي راتب حتى

ريهام: توقعي منها اي شيء هذي شريرة

سعاد: طيب والكلام الحلو اللي سمعتني يوم المقابلة راحت على فشووش

ريهام: مشكلة هذي مشكلة مؤسسات

سعاد: طيب ايش خلاك تستمري معاها

ريهام: مافي وظايف والشغلة دي مسليتني

سعاد: طيب ما تخافي زي ماحصل لايمان

ريهام: الله الحافظ وشوفت اشياء كثيرة اخس بس مالقيت وظايف يا سعاد يا سعاد انا لي سنتين متخرجة ولا لقيت شيء الى الان

سعاد: ولو انا لو منك اخرج واصلا شكلي مااستمر في ذي المؤسسة مافي مصداقية معانا

ريهام: من جدك .. تنطقي في بيت بين 4 جدران

سعاد: ولا أنذل

ريهام: امكن قالت كلام وهي معصبة بس صدقيني اصبري راح تعطيك

سعاد: نشوف اصلا باقي كم يوم ورمضان داخل واشوف لو مااعطتني الراتب لاني تعبت وماراح استمر

ريهام: سعاد بقولك شيء اذا خرجتي انا كمان راح اخرج لاني بجد انتي اقرب وحدة ليا

سعاد: الله يسعدك يارب والله حتى انا اول ماشوفتك ارتحت لك

ريهام: الله يسعدك ربي وربي انا كمان زيك طفشت من المؤسسة ..

سعاد: انتي لاتخليني ارتكب ذنب عشانك

ريهام: انا اقدم وحدة وشوفت بنات كثيرين داخلين نازلين عندها بس انتي انا ارتحت لك من بينهم وصدقيني

احيانا اندم ليه مااخرج بس لما اجلس وشوفت الملل في البيت اقول اشتغل ولا اجلس في البيت

سعاد: معاكي حق جلسة البيت مو حلوة بس اصبر والاقي شغلة حلوة ولا اجلس في مؤسسة دي

سعاد: الله يعوضك خير يارب .

ريهام: آمين

.....

وفي بيت نورة ..وبسبب قرب رمضان ..كانت نورة واختها سهام تساعد والدتها في المطبخ ..فدخل والدها في المطبخ ..

ابو محمد: نورة

نورة: هلا ابويا

ابو محمد: تعالي ابيك

نورة: ان شاء الله ...

خرجت نورة من المطبخ وجلست مع والدها في مكتبه

نورة: هلا ابويا خير

ابو محمد: من يوم ماخرجت من مستشفى ماشفتك تهتمي في مشروعك

نورة: السموحة يا ابويا انا قلت ماابي اشغلك غير بصحتك

ام محمد: اللحين طبت وين مشروعك ما تسألين ماتكلمين وش صار في الاجراءات ترى الاهمال ما أحبها

نورة: والله يا ابويا انا خلاص راح اوعدك اني راح اشتغل عليها اكثر

ابو محمد: خذي الارقام واتصلي وشوفي وين وصلت الاجراءات بكرة واي شيء قالوا جيبي انا مستعد

نورة: طيب يا ابويا صحتك

ابومحمد: اهووو مافيني شيء زي الاسد

نورة: هههههههههههههههه الله يسعدك يابابا ولا يحرمنا منك ويطولنا بعمرك ياااااااااااااااااارب

ابو محمد: ايه هذي الدعوات يلا قومي كملي شغلك لاتجي امك تعصب

نورة: ههههههههههههه الله يستر

قامت نورة والسعادة على وجهها فدخلت المطبخ

.........

بعد يومين ...

وبينما ماجدة نائمة رن جوالها فردت

ماجدة: ألووو

الموظف: السلام عليكم

ماجدة: وعليكم السلام

الموظف: اخت ماجدة

ماجدة: معاك

الموظف: احنا شركة لانتاج الادية

ماجدة: اهلا

الموظف: اهلا فيك ..احنا عندنا وظيفة سكرتيرة مدير العام

ماجدة: طيب

الموظف: اسألك كيف لغتك الانجليزية

ماجدة: صراحة ولا شيء

الموظف : يعني انجليزيتك عدم

ماجدة: مو عدم ولكن قول مبتدئة

الموظف: طيب نتصل بيك لاحقا

ماجدة: ان شاء الله خير

الموظف : مع السلامة يااخت ماجدة

ماجدة: مع السلامة

فقالت ماجدة مع نفسها : الله يقطع كل شيء انجليزي . انجليزي .. انجليزي .. خليني انام احسن

فرن جوالها مرة اخرى فردت ماجدة مرة اخرى

ماجدة: نعم

سعاد: ألوووو

ماجدة: هلا هلا اخبارك

سعاد بنبرة بكاء: خلاص تركت الوظيفة ماعاد ابيها

ماجدة: خير سعاد ايش صار

سعاد: خلاص ماابغى

ماجدة: صلي ع النبي ايش صار

سعاد: تخيلي شوفي كيف تستغلني اللي ماتتسمى

ماجدة: طيب قولي

سعاد: جابت لي عشرة تصاميم تقول لي يلا قومي سويها وعدليها وعند 5 تصاميم تقول لي لازم في رمضان اكون مخلصة

لما اقولها راتب تقول انتي مجرد متدربة عندي ولاهي راضية تعطيني الراتب حتى استلموا بنات رواتبهم وانا لسه وكل مااجلس اذكرها

على الاتفاق تقول مااتفقنا على شيء تبيني اشتغل عندها بالمجان بدون فلوس قلت لها انا ماني مشتغلة عندك تقول ماراح تقدري ماراح

احد يوظفك لان اغلب الوظايف خبرة وانجليزي انتي لا خبرة ولا انجليزي وقالت مكتبي مفتوح وصدقيني مصيرك ترجعي لي

روحت وسبت كل اشغالها وكلمت ابوي واخذني

ماجدة: هدي هدي هدي بالك

سعاد: شوفي نصيحة لاتروحي مؤسسات ولا شركات صغيرة قدمي في شركات كبيرة على الاقل نضمن حقوقنا

ماجدة: سعاد قولي لا اله الا الله

سعاد: تخيلي وحدة معايا تخليها تسوق لها اعلانات وكانت راح تغتصب

ماجدة: معقولة !!

سعاد: وحضرتها المديرة قالت لها ارجعي له وجالسة تهزيء فيها وجالسة تقول انتوا يابنات تشوفوا مدير غني تقوموا تشبكوه

ماجدة: اووووووف قذفتها ليه مارفعت عليها قضية

سعاد: البنت ضعيفة تشتغل عشان تصرف لاهلها

ماجدة: لاحول ولا قوة الا بلله

سعاد:شو نقول ياماجدة

ماجدة: حبيبتي روحي نامي وريحي اللحين انتي تصيحين وتعبانة روحي نامي امكن ماهي خيرة لك

سعاد: ايه والله ماكانت خيرة

ماجدة: روحي ريحي لاتصيحين

سعاد: الله يعين نكدت عليك

ماجدة: انتي اختي لاتقولين كذا

سعاد:خلاص ان شاء الله انا رايحة انام

ماجدة: وراح اطمن عليك

سعاد: ان شاء الله مع السلامة

ماجدة: مع السلامة

.......

اجتمعت ولاء وماجدة في المسن ..في العصر

لولو الحلوة :

من جدك اللحين يا ماجدة سعاد خرجت من وظيفتها

اول رمضان لي في البيت وكل عام وانتم بخير :

شوفتي كيف والله تكلمني وتبكي ..

لولو الحلوة :

اكلمها واطمن عليها

اول رمضان لي في البيت وكل عام وانتم بخير :

اوكي وانا كمان بس اللحين خارجة مع اهلي عشان نقضي حق رمضان

لولو الحلوة :

اوكي وكل سنة وانتي طيبة

اول رمضان لي في البيت وكل عام وانتم بخير:

وانتي بخير

لولو الحلوة :

باي

اول رمضان لي في البيت وكل عام وانتم بخير :

باي