مقابلة شخصية في معيدية جامعة الملك عبدالعزيز

..................

جاءت اعلان في الجرايد عن حاجة الجامعة لوظيفة معيدات في جامعة الملك عبد العزيز وطلبوا لمن يرغب بسرعة التقديم خلال اسبوعين

اتفقن البنات على ان يتقدمن الى الجامعة ..

كلهن في وظيفة معيدة

قابلن كلهم في الجامعة وعادوا إليهم الذكريات ايام الجامعة والدراسة والانشطة

ماجدة: الله الله الله احلى ذكريات في ذي الجامعة يارب قدرنا نتوظف في الجامعة يارب

عهد: والله الحمدلله لقينا سبب عشان نخرج على الاقل نشوف بعض ونغير جو

سعاد: بالقوة امي وافقت

ولاء: ابوي على المشوار يعطيني محاضرة

ماجدة: شكله ماخليتيه ينام يابنت الحلال هههههههههههههههههههههههههههههه

ولاء: يعني مايتحمل بنته الدلوعة

عهد: هههههههههههههه لولو الحلوة

سعاد: والله فرحت انه اجتمعنا بس مااكتملت بنورة

عهد: كلمتها قالت لي ماتقدر تسيب امها لحالها

ولاء: الله يعينها لسه امها ماخلصت من العدة مو كأنه راح شهر ونص

عهد: اشبك نسيتي الفقه العدة 4 شهور وعشرة ايام

ولاء: الله يعين بجد جلسة في البيت شيء يطفش

ماجدة: يعني تبيها ترقص اصلا
يكفي انها عاشرت زوجها عشرة عمر يعني يحق لها تبكي عليه 4 شهور وعشرة ايام

سعاد: امكن سنة بعد اعرف حرمة سنة

ولاء: اهم شيء يكون زوجها طيب وابن حلال تستاهل تزعل عليه

عهد: مالت على الرجال بس ياليت احد يستاهل ضفرنا

ماجدة:لووووووووووول احلى يابنت

سعاد: ههههههههههه ايه والله صدقتي في ذي الجملة

ولاء: يلا يابنات نروح نقدم اوراقنا خلاص

سعاد: اعطيني ايدك اقوم

ماجدة: هاتي ايدك

سعاد: لا لا انتي تسحبيني

ماجدة: هاتي يدك يلا

عهد: سعاد الله يرحم ايدك بس

سعاد: اااااااي يا بنت يا ماجدة

ولاء: ههههههههههههههههههه فطستوني ضحك خلاص يا سعاد قومي بلا كسل حقك

سعاد: اي يا يدي ماجدة اوريكي

عهد: لاتفضحونا حنا خلاص ماحنا بنات جامعة لاتسوي لي ياه توم وجيري

ماجدة: اااااااه يازمن تتذكرين توم وجيري يا عهد

عهد : بس والله دعيت لك خليتيني اخس كيلو صحيح كنتي شوية تكفخيني بس نحفت بسبب بلاهتك

ماجدة: شوفتي بلاهتي جابت نتيجة

ولاء: بنات يامعيدات مستقبل حبة حبة لاتفضحونا ويقولون اطفال

ماجدة: ايه ايه الله يستر يقولون انتوا حقون روضة هههههههههههه

سعاد: ايه والله تخيلي هههههههههههههههههههههههههههه

دخلوا البنات وقاموا بتعبئة بيانتهم عند مدخل الكلية وكان هناك عدد لا بأس به من المتقدمات للوظيفة المعيدية

.............

ومن ثم بعد اسبوع اعلنت الجامعة الاسامي وكانوا البنات جميعا انقبلوا للترشيح الى مقابلة شخصية

فاجتمعنا البنات كلهم على المسن

اللهم ارحم ابي واغفر له :

بنات وربي فرحت لكم يارب تفك النحاسة اللي فينا

اللهم عوضني خيرا منه :

ايه والله بس لسه خلينا نشوف البداية ولا شغل الجامعة كلها واسطات

لولو الحلو :

ليه البداية تحطمينا ياعهد

مس سوسو:

ان شاء الله نكون لنا نصيب منها حتى لو وحدة مننا راح افرح لها من قلبي

اخيرا راحت النحاسة اللي فينا :

ايه والله الحمدلله اهم شي وحدة مننا يا بنات والله الي توظفت كأني توظفت افرحها من القلب

اللهم ارحم ابي واغفر له :

ايه حتى انا والله لاسمعها احلى زغروطة

اللهم عوضني خيرا منه:

ايه والله حتى انا

لولو الحلوة:

يووووو امي تصرخ تقول يلا نامي وراك مقابلة بنات اشوفكم بكرة

مس سوسو :

انتي كمان انا رايحة اصلي واقرأ قرآن لاني مرة خايفة

اللهم عوضني خيرا منه :

انا رايحة برضوا اصلي وورايا روحة بكرة بعد الجامعة عن الخياط بعد 3 اسابيع زواج خالي

اخيرا راحت النحاسة اللي فينا :

وي وي وي من جدك

اللهم عوضني خيرا منه:

ايه من جدي وش فيك عادي

اللهم ارحم ابي واغفر له :

بنات رايحة انام عند امي اللحين مع السلامة قبل ماتجي وتقول بطلي النت في حاله

اللهم عوضني خيرا منه:

سلمي لي عليها

اخيرا راحت النحاسة اللي فينا :

ايه سلمي لي على مامتك

اللهم ارحم ابي واغفر له :

ان شاء الله يلا بايات

اخيرا راحت النحاسة اللي فينا :

بايات

اللهم عوضني خيرا منه :

مع السلامة

اخيرا راحت النحاسة اللي فينا :

عهد ردي على جوالك انا اتصل

............

عهد: شو فيكي يارجة

ماجدة: اشبك

عهد: مافيني شيء

ماجدة: تحضري زواج خالد

عهد: ايه احضر

ماجدة: ماراح تصيحين

عهد: دا كلام امي تقول تبيني للناس انه مابيني وبينه شيء و انه تزوج ماتزوج مافرقت معاي

ماجدة: طيب وانتي صارحيني ياعهد

دمعت عهد: مااقدر استحمل لما اشوفه ماسكة وحدة ثانية يا ماجدة مااقدر استحمل

ماجدة: عهد خليكي قوية ..عهد ادعي ربي يعوضك خير

عهد وهي تبكي : ماجدة شعور صعب مرة صعب مااقدر استحمل المنظر ماني عارفة ليه وكمان اختي عواطف تقول نسوي لك احلى مكياج تخلي الناس تشتريكي شروى احسن من خالد المنتف

ماجدة : ادعي ربك بكرة نشوف خير ماتدري تصيري معيدة وشوفي نفسك عليه

عهد: مو ذنبه صدقيني ذنب ابوي وابوه الله يسامحهم بس خليها على ربك الله يصبرني على الجرح

ماجدة: امين يارب

عهد: يلا قومي نامي

ماجدة: وين انام اكوي ملابسي واصلي

عهد: حتى انا شكلي يلا سييا

ماجدة: بايات

...................

في يوم المقابلة الشخصية خرجت عهد من المقابلة وكانت هي اول البنات اللي دخلوا

المقابلة سألوها البنات عن المقابلة

سعاد: بشري كيف المقابلة

عهد: الله اعلم

ولاء:ايش صار علمينا ايش سألوك

عهد: سألوني عن ايش اسم الكتب اللي تقرأئيها وايش خطتك في الحياة وايش طموحك وايش حابة تكوني

ماجدة:ياويلي يابطني والله اسألة تقطع الواحد

عهد: سألوني ايش صار اليوم

ماجدة: ول ول ول يالهوي

خرجت السكرتيرة : ماجدة تفضلي المقابلة

ماجدة : ياويلي بنات ادعوا لي

سعاد: سمي الله وادخلي يابنت

ولاء: والله توتر انا قبلي 6 بنات يعني اخلص اخر وحدة

سعاد: مين سمعك ماجدة وبعدين 5 بنات الله يستر بس

عهد: احمدوا ربكم راح تعرفوا الاسئلة انا رايحة اشتري فطور

ذهبت عهد تشتري فطور لها في احد كافتيريا الجامعة وفي الكافتيريا سمعت موظفتين يتكلمن عن حاجة كلية العلوم الى موظفات اداريات

كانت من حسن حظ عهد ان معها ملف ثاني فلما سمعت بخبر الموظفتين لم تشتري فطورها بل ذهبت الى كلية علوم وجلست تبحث عن مكتب مديرة شؤون الموظفات

فبعد بحث وجدت عهد مكتبها ودخلت على مديرة شؤون موظفات ...

قالت لها المديرة: تفضلي

عهد: السلام عليكم

المديرة : وعليك السلام حياك امري يا أختي

عهد: سمعت انكم محتاجات موظفات اداريات في كلية العلوم وانا حابة بس اقدم ملفي عندكم

المديرة: امممم تدري انها سرية شكلك تعرفي احد الموظفات

عهد وهي مرتبكة: ايه وحدة موظفة قالت لي وموظفة صحبة اختي وقالت لي انه في وظيفة

المديرة : وش اسمها طيب

ارتبكت عهد بزيادة ولكن سبحان الله افتكرت ادارية كانت في نفس الوقت صديقتها حيث كانت تعمل معاها بنظام الساعات في الجامعة عندما كانت طالبة : استاذة مها

المديرة: اوووه استاذة مها ماشاء الله

عهد:ايه حتى اشتغلت عندها بالساعات لما كنت طالبة بالجامعة

المديرة : جميل جدا اعطيني ملفك

عهد: تفضلي

اخذت المديرة تتصفح ملفها وقالت لها : سجلك حافل خصوصا لك خبرة في التدريس +شهادة كمبيوتر بجد نحتاج دي الكفاءة حأرد عليك بعد ايام اختي

عهد: اسمي عهد

المديرة: والنعم فيك ياعهد ..خلاص شوفت ملفك في رقم تلفونك خلاص ان شاء الله راح ادق عليك

عهد: شكرا مرة شكرا

المديرة : العفو

رجعت عهد : الى مقر المقابلة

عهد: سلام

ولاء: وينك يابنت وين روحتي

عهد: روحت مشوار وجيت

ولاء: ياربي بطني خلاص تعورني

عهد: وين ماجدة

ولاء: ماجدة راحت البيت تقول تبغى تنام

عهد: وش سوت

ولاء:والله تقول اوكي نفس الاسئلة بس قالوا لها كلمينا عن نفسك

عهد: البنت دي والانجليزي وراها وراها

ولاء: شوفتي كيف

عهد: وسعاد

ولاء: اهوو شوفيها عند الباب بعد شوية البنت تدخل وبعدين هيا

عهد: دقايق جوالي رن ....اوما هذا ابوي يلا شكله عند الباب طمنوني اوكي

ولاء: اوكي ..امكن في الليل اللحين بس اخلص واروح البيت وانام

عهد: ان شاء الله

............

كانت نورة تجهز الغداء هي وسهام لاخوانها وكان علي اخيها الصغير يأتي لهم بطلبات التي يحتاجونها للغداء حيث سوف تأتي ايضا خالتهم وخالهم للاطمئنان على امها

علي: شوفي هذا السفن وهدا العصيرات اللي طلبتيها مني

سهام: علي وين العجينة اللي طلبتها منك

علي: اهوو شوفي ياعمية

سهام: عمية في عينك

نورة: وبعدين كل يوم مناقرة خلاص يكفي

علي: خلي اختك تسكت

نورة: ابويا لو في يا علي ماكان تصرفت زي كدا

علي: الله يرحمه المهم اخوي محمد اتصل وقال لاتنسوا سلطة الحارة تراها يبيها حارة

نورة: مالت عليه شايفنا خدامات

سهام: لو فيه خير كان زوجته سوته

نورة: خليها على ربك

دخلت ام محمد: بنات يلا عجلوا خالك وخالتك جايين اللحين

نورة: حاضر يا أمي

سهام: الله يرحمك يا أبويا تذكرين نورة

نورة: ايه اذكر كان يجلس في المطبخ ويقول يلا يازوجات المستقبل وروني مواهبكم

سهام : لما اقطع البصل يقول بالعرضة ويمشي الى الامام ويسدد جوووووووول

نورة: ااااااه يا ابويا والله كل مااتذكره عيني تدمع وحشني موت

سهام ودمعت عيناها : ااااااه وينك يا أبويا

نورة : سهام حبيبتي لاتوري امي دموعك لاتحسسيها انها هي مقصرة ولا ماتقدر تقوم بمقام الوالد

سهام: مااقدر يانورة امي على عيني وراسي بس ابوي تركنا وراح ابوي كان البيت كله منور لما يدخل

نورة: ذكرتيني لما كان يسميني نور البيت

سهام: الله يرحمه يارب

نورة : اوووف ياويلي البصل كان راح ينحرق

سهام : الحمدلله انه لحقتي ولا امي بهدلتك

نورة: ايه والله

سهام: وشلون صحباتك

نورة: والله بعد المقابلة ماكلمتهم بس خليني افضى واكلمهم

سهام : ان شاء الله

................

في يوم زواج خالد كانت ام راشد وعفاف وعواطف يهتمون بعهد كأنها هي العروس التي تزف في هذا اليوم الى خالد

عهد: وي وي امي مااقدر وش ذا كله المكياج

ام راشد: ماشاء الله عليك قمر يا بنتي الله يحرسك من العين خلي الناس تولي

عواطف: اهم شيء انتي نبي نوريهم انه شيء عادي وانه احنا جينا وباركنا مايقولوا والله عهد مسكينة ويحزنون عليك

عفاف:والله ياعهد راح نلاقي بعد زواج خالد طابور عرسان وامكن يجيني واحد عن طريقك

ام راشد: ان شاء الله يجيكم للاثنين يارب في وقت واحد وافرح فيكم

عفاف: آمين يارب

دخلت عهد واهلها القاعة وكانت القاعة مليئة بالمعازيم وكانت صدمة اهل خالد ان عهد حضرت الحفل في قمة اناقتها وجمالها

ام راشد قبل دخولها الى القاعة : عهد ابيك تسلمين والابتسامة مشققة عادي ماكأنه صار شيء

عهد: طيب يا أمي

عواطف: وقولي لامه مبروك لخالد

عهد: طيب يا عواطف

كانت عهد مجرد فتاة تسمع كلام اهلها وتفعل مايقولون لها كجسد بلا روح وبلا قلب

جاءوا داليا و رزان وسلموا عليها

داليا: هلا عهد ايش الحلاوة دي ياعم من قدك

رزان : ياليت اخويا يتزوجك مااتزوج المعفنة ذي

داليا: بنت ولا كلمة عيب

عهد بإبتسامة قالت لها:عادي اهم شيء مبروك لاخوكم

داليا: الله يبارك فيك عقبالك يارب

عهد:آمين

داليا: ربي يعوضك خير

عهد: الله يجيب الخير

جلست عهد مع عائلتها في طاولة قريبة من الكوشة

قالت ام راشد لعفاف وعواطف وعهد: سمعوا يابنات ابيكم تفرحون بولد خالتكم ارقصوا واختلطوا معاه مانبي نبين للناس حنا مثل الضيوف متزاعلين

عفاف: ان شاء الله يا أمي

عهد: امي معليش مالي خلق ارقص

ام راشد: لا ترقصين يابنتي مانبي نبين انك زعلانة خليك قوية

عواطف: عهد امي معاها حق ارقصي وارقصي مع خواته عادي

وبدأت الحفل ورقصت عهد مع اخته داليا وقمن بماوصته امهم على أكمل وجه وكانت ام خالد مستغربة من عهد

انها تضحك ومبسوطة وانها غير حزينة رغم انها علمت مؤخرا بأن هي وخالد كانوا على قصة حب

وفي اللحظة الحاسمة حان وقت زفة خالد مع عروسته دخل خالد وعروسته على انغام موسيقى الرومانسية وزغاريط النساء والورود المتناثرة فوقهم

عهد كان قلبها يتقطع ويذبل من شدة عذابها عند رؤيتها لخالد يمسك يد عروسته ولكن لاحظت شيء غريب

خالد المعروف بالابتسامة وخفت الدم غير مبتسم ويسرح كثيرا لاحظت انه مازال يحبها وكأنه يجر الى غرفة الاعدام

لم تصدق عهد تلك المشاعر في عينيه الذي وصفت انه غير سعيد بزواجه فحين جلوسه في الكوشة وقع نظره على فتاة صاحبة العيون الواسعة والكحيلة

مرسومة جفونها باللون الاحمر رأها وعرف انها عهد لم يصرف نظره عنها بل رأها حتى لاحظت والدته وقامت وقالت ارقص مع عروستك

وقام ورقصوا مع بعض ولكن حتى في الرقص مازالت النظرات تحكي لهم مشاعرهم المكبوتة والحزينة

لاحظت ام راشد وعفاف وقالت ام راشد: اسحبي اختك ماابيها تدمع ولا ابيها تركز على خالد

عفاف: وي وي فضحنا عينه مانزلت ويطالع لعهد

عواطف: عهد قومي نمشي خلاص سوينا اللي علينا

وجاءت اخواته حوله ليحاولن تصريف النظر حتى لا يلاحظ الناس بأن خالد ينظر الى عهد

فسحبوا ام راشد وبناتها انفسهم وتركوا القاعة اما عهد فكان قلبها يغلي غليان والدمع يسيل منهمرا عندما رأته

رجعت عهد الى البيت ودخلت غرفتها وتبكي كثيرا دخلت عفاف وراها وقالت لها : خلاص انسى ليه تبكين من باعك بيعيه

عهد: خالد مازال يحبني

عفاف: بلاش حكاية غراميات ترى عرفت تكلمين خالد من ورانا بس للأسف ياليتني عرفت قبل ماتتعلقين بيه

عهد: خالد مازال يحبني

عفاف : خلاص وش يحبك بلا هبالة خالد تزوج وانتهينا وايش تقولين تعيشين في وهم وانه مازال يحبك

عهد: انا اعرف خالد اكثر من اي انسان اعرف عيونه ودمعاته وانتي ملاحظة اكيد عيونه كيف

عفاف: والله مااحد ضرب على ايده قال تزوج لو يبيك كان ضحى بأشياء كثيرة عشانك

عهد: صدقيني امه وخالك هما اللي اجبروه ولا كان مستعد

عفاف: لاتخليني افضحك عند ابوي خلاص تزوج فهمتي علي تزوج

انهمرت عهد دموعا كثيرا ومسكتها عفاف وحاولت ان تهديها وقالت لها عفاف: ابكي ابكي اللين ماتشبعي ادري مو سهل عليكي بس خلاص هذا قضاء وقدر وانا حاسة تأخذين احسن منه

انتهت قصتها الان مع خالد وخرج خالد من حياتها بعد ان ملك قلبها

وقلبها ينزف من شدة الجرح ولكن وقفت صامدة وقررت ان تغمس نفسها في تحقيق طموحاتها ومؤمنة بان الله يعوضها خيرا منه